Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Moti I Keq - Poloni - Arrin Në 12 Bilanci I Viktimave Nga Përmbytjet
English

Moti I Keq - Poloni - Arrin Në 12 Bilanci I Viktimave Nga Përmbytjet

VARSHAVË, 22 maj /ATSH-ANSA/ - Vazhdon të jetë e rëndë situata në Poloni për shkak të përmbytjeve që deri tani kanë shkaktuar vdekjen e të paktën 12 personave dhe kanë shkaktuar dëme materiale në disa qytete. Pasditen e sotme në Breslavia, në jugperëndim të vendit, ujërat e lumit Sleza, një degëzim i lumit Oder, shkatërroi argjinaturat dhe në pak minuta përmbyti lagjen Kozanoë, e njëjta zonë që u përmbyt gjatë motit të keq në vitin 1997. E rëndë vazhdon të paraqitet edhe situata përgjatë lumit Vistola, ku në Sandomierz prej tre ditësh një lagje qëndron e përmbytur dhe tre mijë banorët e saj janë detyruar të evakuohen. Dhe vazhdon rreziku në Varshavë ku niveli i ujërave të Vistolës ka arritur maksimumin e 779 centimetrave dhe druhet se argjinaturat mund të çahen nga momenti në moment. Në kryeqytet nuk përjashtohet evakuimi i lagjeve Wilanow dhe Mokotow. Sipas kryeministrit Donald Tusk "situata është gjithmonë dramatike", kryesisht në jug të vendit, veçanërisht pas parashikimit për shira të tjerë që mund të bien në ditët e ardhshme. Sipas ministrit të Jashtëm Radoslaw Sikorski, dëmet që janë shkaktuar në Poloni i kanë kaluar tashmë 2 miliardë eurot, ose 0.6 për qind të Prodhimit të Brendshëm Bruto. /e.v/
KOMENTE