Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Berisha: Shqipëria ka demokraci, respekton Kushtetutën dhe të drejtat e opozitës
English

Berisha: Shqipëria ka demokraci, respekton Kushtetutën dhe të drejtat e opozitës

Tiranë, 25 maj, NOA – “Shqipëria dhe shqiptarët kanë arritur në një stad pjekurie politike dhe maturie demokratike që i lejojnë të ecin përpara me sukses duke respektuar shtetin ligjor e Kushtetutën, si dhe njëkohësisht të drejtat e liritë e qytetarëve dhe të opozitës në veçanti”.

Kjo është deklarata që ka bërë Kryeministri Sali Berisha gjatë takimit kryetarin e Partisë Liberale të Kosovës, Gjergj Dedaj, njëkohësisht edhe zëvendësministër Ministër i Punës dhe Mirëqenies Sociale.

Gjatë takimit, Kryeministri Berisha, i përcolli zyrtarit kosovar përshëndetjet e tij dhe të qeverisë shqiptare, si dhe shprehu vlerësim për kontributin e Partisë Liberale, vetë zotit Dedaj dhe familjes së tij për çështjen kosovare.

Nga ana e tij Dedaj e njohu Kryeministrin Berisha me zhvillimet politike në Kosovë dhe me hapat që po bëhen për integrimin e shtetit dhe shtimin e njohjeve për pavarësinë.

“Ne, si parti e vogël, duke qenë pjesë e mozaikut të politikës kosovare, e vlerësojmë jashtëzakonisht rolin e Shqipërisë dhe Tuajin personalisht në realizimin e pavarësisë, në zhvillimin harmonik të shoqërisë dhe shtetit të ri kosovar, si dhe kontributin në prosperitetin dhe progresin perëndimor të Shqipërisë”, tha Dedaj.

Kryeministri Berisha i shprehu kreut të Partisë Liberale të Kosovës, Gjergj Dedaj mbështetjen e tij dhe të qeverisë ndaj progresit që po bën Kosova.

m.xh/NOA

KOMENTE