Koreja E Veriut Ndërpret Të Gjitha Marrëdhëniet Me Jugun (2)
SEUL, 25 maj /ATSH-AFP/ - Koreja e Veriut vendosi sot ndërprerjen e të gjitha marrëdhënieve me Korenë e Jugut duke përfshirë dhe komunikimin mes dy vendeve, njoftoi agjencia zyrtare e lajmeve KCNA.
''Koreanoveriorët kanë njoftuar se do të dëbojnë të gjithë personelin koreanojugor që punon në kompleksin industrial të Kaesong, i vendosur në veri të vijës kufitare, por financuar nga Seuli'', shtoi i njëjti burim.
Të gjitha anijet dhe avionët koreanojugorë do të ndalohen në ujërat detare dhe hapësirën ajrore koreanoveriore'', theksoi KCNA.
Numri një koreanoverior, Kim Jong-Il u vendos në gjendje alarmi pasi Seuli kërcënoi se do të bëjë të paguajë Korenë e Veriut për mbytjen në fund të muajit mars të anijes koreanojugore ''Cheonan''.
Koreja e Jugut deklaroi dje se i kishte kërkuar sanksione të reja OKB-së dhe ndërprerjen e këmbimeve tregtare me fqinjin e Veriut./
/ec/ a.jor.
