Tiranë, 28 Maj, NOA – “Janë vënë re përpjekje nga shumica e mazhorancës për të ushtruar presion ndaj emërimeve të gjyqtarëve dhe prokurorëve, madje edhe anëtarëve të Gjykatës Kushtetuese dhe asaj të Lartë në përgjithësi”.
Një fakt të tillë, ish-presidenti Rexhep Meidani e ka theksuar gjatë konferencës së titulluar “Gjykatat në demokraci”, duke pohuar se “nuk nevojitet rekomandimi politik i një kandidati me anë të votës parlamentare”.
Ashtu si edhe parafolësi i tij në këtë konferencë, ish-presidenti Alfred Moisiu, edhe ai është shprehur kundër rrëzimit të kandidatit Vangjel Kosta, i cili u dekretua nga presidenti aktual, Bamir Topi, për anëtar në gjykatën Kushtetuese, vetëm duke u nisur nga parimi politik.
n.e/NOA
