Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Gjermania fiton Eurosong 2010, Shqipëria në vend të 16-të
English

Gjermania fiton Eurosong 2010, Shqipëria në vend të 16-të

Oslo, 30 Maj, NOA – 19 vjeçarja gjermane Lena Meyer-Landrut është fituesja e Eurosong 2010, që u mbyll mbrëmë në arenën gjigande Telenor, të kryeqytetit norvegjez.

Mes 125 milionë teleshikuesve në mbarë botën, Lena Meyer-Landrut mbërriti të mahnisë tërë audiencën me këngën “Satellite”, duke mbledhur plot 246 pikë.

Pas marrjes në duar të trofeut të Festivalit të 55-të Europian këngëtarja nuk i fshehu emocionet e saj, që i dhuruan të dytin trofe europian të këngës, vendit të saj, Gjermanisë. "Jam shumë e lumtur që arritëm vendin e parë, ju falenderoj", - tha Lena Meyer-Landrut. "Kjo është absolutisht një mrekulli, nuk mund të jetë reale."

Gjermanët e pritën me ovacione suksesin e maturantes, kënga “Satellite”, e të cilës ishte kthyer kohë përpara festivalit në një hit në Gjermani.

25 shtete sollën magjinë e tyre të interpretimit në arenën Telenor të Eurovision 2010. Në vendin e dytë u rendit Turqia, në të tretin Rumania, mandej Danimarka dhe Azerbajxhani.

Një nga këngët e përfolura për suksesin dhe mjeshtërinë e interpretimit ishte dhe kënga shqiptare me autor teksti dhe muzike Ardit Gjebrenë, “It’s all about you” (Nuk mundem pa ty) e interpretuar nga Juliana Pasha, e cila arriti të renditet në vendin e 16-të.

Me vokalin e saj të veçantë, Juliana Pasha, sipas kritikëve të festivalit dëshmoi për suksesin e muzikës shqiptare në kompeticionin më të rëndësishëm europian të këngës, Eurosong.

Por, jo vetëm, magji tingujsh dhe zërash, pasi si në çdo Eurovision arena e tij u kthye edhe në vendin madhështor të shpalosjes së kulturës së çdo shteti pjesëmarrës, një ndërthurje mes traditës, ekstravagancës, ndriçimit skenik dhe spektaklit.

mit/NOA
KOMENTE