Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Imami: Forcim bashkëpunimit në Ballkan, për të rritur sigurinë
English

Imami: Forcim bashkëpunimit në Ballkan, për të rritur sigurinë

Ministri i Mbrojtjes mori pjesë në konferencën rajonale në Bitola të ish-Republikës Jugosllave të Maqedonisë - FYROM

Bitola, FYROM, 2 Qershor 2010 NOA - Me ftesë të ministrit të Mbrojtjes të ish-Republikës Jugosllave të Maqedonisë - FYROM, Zoran Konjanovski dhe drejtorit të RACVIAC, ambasadorit Nikola Todorçevski, ministri i Mbrojtjes z. Arben Imami mori pjesë në konferencën rajonale me temë: “Integrimi në NATO në Europën Juglindore”, e cila u mbajt në Bitola. Në këtë konferencë morën pjesë ministrat e Mbrojtjes të Maqedonisë, të Shqipërisë, të Kroacisë, të Sllovenisë dhe të Turqisë, si dhe zv.ministrat e Mbrojtjes të Bosnje-Hercegovinës, Malit të Zi, Serbisë, përfaqësues të NATO-s etj.

Në konferencë u diskutuan dhe u shkëmbyen mendime mbi prioritetet dhe sfidat me të cilat ballafaqohet rajoni, si dhe mundësitë e rrugët për forcimin e dialogut dhe bashkëpunimit në fushën e sigurisë, i cili i shërben integrimit të mëtejshëm në NATO të vendeve të rajonit dhe forcimit të sigurisë rajonale.

Në fjalën e tij Ministri Imami theksoi se, në një botë globale është e rëndësishme që të vlerësohet se, përveç rreziqeve tradicionale, janë shtuar rreziqet asimetrike që vijnë si rezultat i terrorizmit, krimit të organizuar, luftës informatike etj, rreziqe të cilat mund dhe duhet të përballohen nëpërmjet bashkëpunimit dhe veprimeve konkrete.

Z. Imami u shpreh se është shumë i rëndësishëm forcimi i bashkëpunimit rajonal, i cili do të ndikojë ndjeshëm në rritjen e mëtejshme të sigurisë. “Bashkëpunimi me NATO-n, si dhe përpjekjet për anëtarësim në Aleancë të vendeve të rajonit, nënvizoi më tej ministri Imami, jo vetëm që i shërben paqes dhe stabilitetit, por i shërben edhe ndërtimit të urave të bashkëpunimit midis vendeve të Ballkanit”.

Në vijim të fjalës së tij, z. Imami nënvizoi domosdoshmërinë e një përqasje të përbashkët në përballimin e sfidave të reja të sigurisë, ku përpjekjet dhe objektivi për anëtarësim në NATO do të ishin forca shtytëse drejt suksesit. Përfshirja e të gjithë vendeve të rajonit në organizatat e sigurisë kolektive është një element i rëndësishëm, theksoi ai. Në këtë kuadër, Republika e Kosovës, si një realitet i ri, e konsideruar si një histori suksesi nga NATO, duhet të zërë vendin e saj në organizatat e sigurisë, si në ato rajonale, ashtu edhe më gjerë.

Gjatë konferencës, ministri i Mbrojtjes Arben Imami pati një takim me ministren e Mbrojtjes të Sllovenisë, Ljubica Jelusiç. Ata vlerësuan marrëdhëniet shumë të mira që ekzistojnë midis vendeve tona dhe shkëmbyen mendime mbi mundësitë e zgjerimit të mëtejshëm të marrëdhënieve në fushën e bashkëpunimit ushtarak, si dhe për kontributin e përbashkët në mbështetje të vendeve të rajonit tonë në realizimin e objektivit të tyre për anëtarësimin në NATO.

Të dy ministrat ishin të mendimit se Forca e Sigurisë e Kosovës ka bërë përparime të dukshme në përgatitjen e saj profesionale sipas standardeve të NATO-s. Ata ndanë të njëjtin mendim se integrimi sa më i shpejtë i Kosovës në strukturat euroatlantike do t’i shërbejë forcimit të situatës së sigurisë në rajon.

Me këtë rast, ministri Imami e ftoi ministren sllovene të Mbrojtjes për një vizitë zyrtare në Tiranë, e cila e priti me kënaqësi.

r.n/NOA

KOMENTE