Durres: Mot I Paqendrueshem, Reshje Lokale Shiu Dhe Det I Qete
DURRES, 4 qershor /ATSH-Gëzim Kabashi/. - Në rajonin detar të Durrësit sot do të mbizotërojë moti i paqëndrueshëm, me vranësira të ndërrueshme dhe reshje lokale shiu, bënë të ditur për ATSH-në burime zyrtare nga kapiteneria e portit, sipas të cilave, kushtet detare do të mundësojnë lundrimin pa probleme të trageteve, anijeve dhe motopeshkatoreve.
Alternimet e motit, që përsëriten prej gati 10 ditësh në rajonin detar të Durrësit, kanë sjellë sot mot me reshje lokale, që kanë nisur në orët e para të mëngjesit, duke penguar veprimtarinë e ngarkim-shkarkimit të anijeve me mallra dhe kontejnerë në kalatat e portit më të madh të vendit.
Burimet bënë të ditur se tre tragetet e linjës Bari-Durrës, që kanë lundruar gjatë natës nga porti italian, tashmë janë ankoruar në kalatat përkatëse të portit.
Lundrimi i motopeshkatoreve të këtij sektori në zonat e gjuetisë gjatë kësaj periudhe thuajse nuk është ndërprerë për shkak të kushteve të favorshme detare, përfunduan burimet e kapitenerisë së portit. /a.ke/
