Kosove - Ldk Merr Vendim Per Zgjedhje Brendapartiake
PRISHTINË, 5 Qershor /ATSH-B.Jashari/.- Zgjedhjet e përgjithshme brendapartiake në Lidhjen Demokratike të Kosovës (LDK) do të organizohen nga 10 shtatori deri më 30 nëntor të këtij viti.
Vendimi u mor sot në mbledhjen e Këshillit të Përgjithshëm i LDK-së, ku është theksuar edhe përkushtimi për një proces të brendshëm të reformave.
Sipas vendimit të njoftuar pas mbledhjes, Kryesia e LDK-së do te formojë komisionet punuese për të bërë "reforma konkrete, jo vetëm në procesin zgjedhor të LDK-së, por edhe në statutin e partisë, si dhe në platformën e ofertës zgjedhore për Kosovën, në zgjedhjet e ardhshme". /a.ke/
