Fishe Teknike - Trajan Basesku Në Vizitë Zyrtare Në Shqipëri
TIRANË, 7 qershor /ATSH/ - Presidenti i Republikës së Rumanisë, Trajan Basesku do të zhvillojë nesër një vizitë zyrtare njëditore në Tiranë me ftesë të homologut të tij shqiptar, Bamir Topi.
Më poshtë vijon një përmbledhje e shkurtër e aktivitetit kryesor politik të presidentit rumun:
* Trajan Basesku u lind më 4 nëntor të vitit 1951 dhe është presidenti i pestë i Rumanisë.
* Basescu përfundoi studimet e larta në Institutitn Naval të Konstancës, në vitin 1976 dhe mori gradën kapiten në Flotën Tregtare në Navrom, kompania detare shtetërore rumune.
Në periudhën 1981-87 ai shërbeu si kapiten në Flotën Tregtare të Rumanisë.
* Pas mbajtjes së detyrës së kryebashkiakut të Bukureshtit nga qershori i vitit 2000 deri në dhjetor të vitit 2004, ai u zgjodh president në vitin 2004, dhe mori zyrtarisht detyrën më 20 dhjetor të po atij viti, ndërkohë që u rizgjodh president për një mandat të dytë pesëvjeçar në vitin 2009.
* Në 17 prill të vitit 2007, parlamenti rumun votoi pezullimin e Baseskut dhe nisi një referendum për shkarkimin e tij duke e akuzuar për shkelje të Kushtetutës.
Megjithëse Gjykata Kushtetuese nuk zbuloi prova për shkelje, pranoi vendimin e Parlamentit dhe votimin e 20 prillit të vitit 2007 për pezullimin e Baseskut nga detyra, që zgjati deri në zhvillimin e një referendumi në 19 maj të po atij viti.
Rezultatet e referendumit nuk e mbështetën shkarkimin nga detyra të presidentit, ku vetëm 24,75 për qind e kërkuar largimin e tij, ndërsa Basesku u mbështet nga 74,48 për qind e votuesve për të qëndruar në postin e presidentit.
* Ai kandidoi për rizgjedhje në vitin 2009 dhe u shpall fitues me një diferencë të ngushtë me 50,33 për qind të votave, kundrejt 49,66 për qind të votave të marra nga sfidanti i tij socialdemokrat, Mircea Geoana.
* Opozita kundërshtoi rezultatin dhe u angazhua për ta kundërshtuar në gjykatë, ku e akuzoi Komisionin Elektoral për mashtrim.
Gjykata Kushtetuese i hodhi poshtë kërkesat dhe ligjëroi zgjedhjen e pas një rinumërimi të disa kutive votimi që rezultuan të pavlefshme.
* Babai i Baseskut, Dumitru ishte ushtarak, mamaja e tij quhej Elena. Ai ka një vëlla të quajtur Mircea, ndërkohë që me bashkëshortjen, Maria, ka dy vajza, Ioana dhe Elena./
/i.p/ a.jor.
