Athinë, 8 qershor, NOA – Megjithë kërcënimet për falimentim, duket se Greqia nuk ka asnjë tendencë, ose më mirë, as që e shkon ndër mend rikthimin tek monedha e saj e vjetër vendase, dhrahmia.
Një fakt të tillë e ka bërë me dijeni në emër të qeverisë greke, zëdhënësi i saj Jorgos Petallotis, sipas të cilit, nuk bëhet fjalë për falimentim dhe as për kthim te dhrahmia.
“Përgënjeshtrojmë në mënyrë kategorike gjithë këto skenare fantaziste cilido qoftë burimi i tyre”, deklaroi zëdhënësi i qeverisë greke lidhur me një çështje të tillë.
Ndërkaq, javën e kaluar kreu i Komisionit Monetar Ndërkombëtar të FMN-së, Zoussef Boutros-Ghali, kishte shprehur dyshimin e tij në aftësinë e Greqisë për zbatimin e reformave në shkëmbim të ndihmës së ofruar prej 110 miliardë eurosh.
n.e/NOA
