Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Seminar për Efiçencën e Energjisë në Banesa
English

Seminar për Efiçencën e Energjisë në Banesa

Tiranë, 9 qershor, NOA - IFC (Korporata Financiare Ndërkombëtare) pjesë e Grupit të Bankës Botërore, bazuar në politikat energjetike kombëtare si dhe në direktivat e BE-së për energjinë, në bashkëpunim të ngushtë me Agjencinë Kombëtare të Burimeve Natyrore (AKBN), organizon seminarin për Eficencën e Energjisë në Banesa.

Seminari do të fokusohet në sektorin e banesave mbështetur mbi Ligjin për ruajtjen e nxehtësisë si dhe Kodin Energjetik.

Sipas njoftimit të IFC, seminari ka për qëllim të nxisë efiçiencën e energjisë në sektorin e banesave si masë me leverdi financiare dhe të reduktojë gjithashtu ngarkesën në sistemin elektrik. Një tjetër pikë është dhe prezantimi i planeve të Agjencisë Kombëtare të Burimeve Natyrore për nxitjen dhe zbatimin e kuadrit ligjor mbi konsumin e energjisë në sektorin e banesave.

Nga ana tjetër seminari synon të sensibilizojë institucionet e ndryshme shqiptare dhe firmat e ndërtimit për të pasur në të ardhmen ndërtesa brenda kushteve të lejuara teknike.

Nga ana tjetër takimi që do të zhvillohet nesër synon të nxisë dhe zbatimin e Ligjit nr. 8937, datë 12 shtator 2002 dhe Vendimin e Këshillit të Ministrave nr.38, datë 16 janar 2003.

“Zbatimi i Ligjit “Për ruajtjen e nxehtësisë në ndërtesa” dhe Vendimit të Këshillit të Ministrave mbi “Normat, rregullat dhe kushtet e projektimit dhe të ndërtimit, të prodhimit dhe ruajtjes së energjisë në ndërtesa” do të bëjë të mundur zvogëlimin e konsumit të energjisë dhe për pasojë do të sjellë një ndikim të ndjeshëm në përmirësimin e kushteve të jetesës së popullsisë, gjithashtu edhe një reduktim të pagesës së energjisë për familjarët”, thuhet në njoftimin e IFC-së në lidhje me këtë aktivitet.

m.xh/NOA

KOMENTE