Pdu, Kontribut Financiar Per Familjen E Petro Markos
S
TIRANE, 10 Qershor/ATSH/.- Drejtues të Partisë për Drejtësi dhe Unitet (PDU) zhvilluan sot një vizitë në familjen e shkrimtarit të madh Petro Marko, duke dhuruar një kontribut financiar për kurimin e dy prej anëtarëve të saj.
Apelit të mediave shqiptare për familjen e shkrimtarit të nderuar Petro Marko, drejtues të komunitetit çam dhe përfaqësues të lartë të PDU-së iu përgjigjën me një reagim të menjëhershëm.
Në takimin e zhvilluar me familjarë të shkrimtarit, drejtuesit e këtij komuniteti dhe kreu i PDU-së, deputeti Shpëtim Idrizi dhe Dashamir Tahiri, shprehën gatishmërinë e tyre për t'iu bashkuar apelit publik për ndihmë ndaj kësaj familjeje. Krerët e këtij komuniteti, të shoqëruar edhe nga gazetarë dhe kryetari i Unionit të Gazetarëve Shqiptarë, Aleksandër Çipa, në takimin që patën me të bijën e shkrimtarit, Arianita Marko, konfirmuan mbështetjen e tyre për familjen, duke i dhuruar një shumë prej 5 000 euro.
Dy nga pjestarët e kësaj famailjeje, bashkëshortja e shkrimtarit, piktorja e njohur, Safo Marko dhe djali i tij, Jamarbër Marko, kanë pasur shqetësime serioze të shëndetit. /a.m/s.s./
