Shba - Të Paktën 16 Të Vdekur Nga Përmbytjet Në Arkansas
ÇIKAGO, 11 qershor /ATSH-AFP/ - Disa përmbytje të shkaktuara nga reshje të dendura shirash rezultuan në vdekjen e të paktën 16 personave në një rajon pyjor të Arkansasit, ku po zhvillohen operacione shpëtimi për të ndihmuar persona të bllokuar ende në zonë, njoftuan burime policore.
Në një bilanc të mëparshëm flitej për 12 të vdekur.
Disa helikopterë janë dërguar në vend për të kontribuar në operacionet e shpëtimit ndërkohë që janë regjistruar rreth 18 centimetra reshje shiu në rajon duke shkaktuar rrëshqitje dherash, sipas shërbimeve meteorologjike amerikane.
Guvernatori i Arkansasit, Mike Beebe, deklaroi për televizionin CNN se kishte "përmbytje të mëdha" dhe shtoi se sipas Kryqit të Kuq në zonë ndodhen rreth 300 persona./
/i.p/
