Sondazh - Greqi - Rreth 80 Për Qind E Qytetarëve Të Shqetësuar Për Situatën Ekonomike
ATHINË, 11 qershor /ATSH-AFP/ - Pothuajse shtatë në 10 grekë shprehen se situata ekonomike e vendit do të përkeqësohet ndërkohë që pjesa më e madhe, rreth 80 për qind i frikësohen konflikteve sociale, sipas një sondazhi të publikuar sot nga gazeta ''Kathimerini''.
Vetëm 12 për qind e grekëve besojnë për një përmirësim të financave të vendit, që është zhytur në një krizë të rëndë pavarësisht marrjes së një kredie prej 110 miliardë eurosh nga FMN-ja dhe Bashkimi Evropian për tre vjet, sipas këtij sondazhi të publikuar nga e përditshmja ''Kathimerini''.
Rreth tre e katërta e të pyeturve, rreth 72 për qind mendojnë se drejtimi i politikave ekonomike është i gabuar nga 18 për qind që mendojnë të kundërtën, sipas sondazhit të zhvilluar nga data 2 deri më 7 qershor nga Instituti Publik Issue./
/ec/ a.jor.
