Nikozia, 12 Qershor, NOA - “Sllovenia, e ka mbështetur dhe do të vazhdojë ta mbështesë Shqipërinë, në të gjitha përpjekjet e saj drejt Bashkimit Europian. Kjo mbështetje nuk do të mungojë as në heqjen e vizave”.
Këto fjalë i ka drejtuar kryetares së Kuvendit, Jozefina Topalli, homologu i saj slloven, Pavel Gantar, sipas të cilit, integrimi dhe liberalizimi i vizave shkojnë paralelisht, “ndaj Sllovenia e konsideron heqjen e vizave për Shqipërinë dhe Bosnjën, si prioritet”.
Duke shtuar se gjithsesi kriza politike nuk do të ndikojë në heqjen e vizave.
“Ne sigurisht, - tha Gantar, - nuk do e lidhim çështjen e vizave me situatën politike në Shqipëri. Këto dy çështje, nuk mund të lidhen bashkë".
n.e/NOA
