Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Ministria e Brendshme: Jemi të shqetësuar nga agresioni i Ramës kundër heqjes së vizave
English

Ministria e Brendshme: Jemi të shqetësuar nga agresioni i Ramës kundër heqjes së vizave

Tiranë, 12 Qershor 2010 NOA – “Ministria e Brendshme shpreh shqetësimin për agresionin e vazhdueshëm të Kryetarit të Partisë Socialiste Z. Edi Rama kundër procesit të liberalizimit të vizave për qytetarët shqiptarë”. Pohimi u bë para pak minutash në një deklaratë të posaçme për media që u lëshua nga dikasteri që drejtohet nga Lulzim Basha.

Sipas MB, “sot z. Rama përdori median e shkruar për të thënë se nga brigjet shqiptare vijon trafiku i klandestinëve, kur këtë shpifje e mohuan sot kategorikisht autoritetet e vendit fqinj”.

Ministria e Brendshme informon opinionin publik se autoritetet italiane kanë konfirmuar se skafi me klandestinë i kapur dje, nuk ishte nisur nga brigjet shqiptare, por nga brigjet greke.

Për ministrinë e Brendshme, ky është vetëm një nga sulmet e Z. Rama për të baltosur arritjet më domethënëse të Shqipërisë që çuan në propozimin historik të Komisionit Europian për heqjen e vizave për qytetarët shqiptarë.

“Ai tha se dokumentet e reja të identitetit janë të pasigurta, në një kohë kur shqiptarët e kanë provuar se ato shihen me respekt në të gjitha rrugëkalimet e Bashkimit Europian.

U tha autoriteteve europiane se shqiptarët pas heqjes së vizave do të vërshojnë të gjithë për të kërkuar punë nëpër Europë.

Indoktrinoi mediat për të thënë se shqiptarët vrasin gjykatësit e Europës nëse ata marrin vendim për t’i riatdhesuar, kur në të vërtetë agresori në Bruksel nuk ishte shqiptar”, - vijon deklarata e MB.

Sipas ministrisë, “z. Rama u përpoq çdo ditë të dekurajojë qytetarët shqiptarë duke thënë se nuk do të mund të plotësoheshin kriteret e kërkuara të udhërrëfyesit për liberalizimin e vizave”.

Për MB, “të gjitha këto fakte dëshmojnë se Z. Rama nuk dëshiron të hiqet muri Schengen për shqiptarët, se nuk dëshiron që shqiptarët të lëvizin të lirë në Europën e Bashkuar”.

Ndaj në këto kushte, Ministria e Brendshme i bën thirrje Z. Rama dhe Partisë Socialiste “të heqin dorë nga ky agresion ndaj heqjes së vizave, sepse po veprojnë kundër një interesi jetik dhe çështjeje dinjiteti të shqiptarëve”.

r.n/NOA

KOMENTE