Afrikë e Jugut, 13 Qershor NOA - Edhe pse nuk ka kaluar shumë kohë nga mbyllja e një sezoni fantastik në ekipin e Interit, ku arriti të fitonte të tre trofetë e mundshëm, Maicon është sërish i pakënaqur dhe ka shprehur dëshirën e tij për të fituar dhe Botërorin, i cili po zhvillohet në Afrikën e Jugut.
“Kam mundësinë të mbaroj një sezon në mënyrën më të mirë edhe pse ai ka qenë fantastik deri në këto momente. Kupa e Botës është një eveniment tepër i rëndësishëm dhe fitimi i saj do të shtonte besimin dhe gëzimin brenda meje. Jam shumë optimist pasi grupi i lojtarëve që militon tek skuadra e Brazilit është i denjë për ta fituar Botërorin”, - këto ishin fjalët e Maicon, i cili kërkon të mbyllë një sezon në mënyrën më fantastike të mundshme.
r.b/NOA
