Krujë, 14 qershor NOA – Një aksident automobilistik ka ndodhur në orën 10.00 të ditës së sotme në aksin rrugor nacional Fushë Krujë – Krujë, raporton korrespondenti i agjencisë NOA.
Aksidenti ka ndodhur në fshatin Halil të Krujës, ndërsa një fugon me targa të Krujës KR 2378 A që drejtohej nga Memë Doku është po udhëtonte në drejtim të Krujës është përplasur me një Benz me targa të Tiranës, në të cilin udhëtonin dy persona.
Si pasojë e kësaj përplasje është plagosur rëndë drejtuesi i fugonit, ndërsa më lehtë janë plagosur edhe drejtuesi i Benit së bashku me pasagjerin.
Policia Rrugore e Krujës e cila mbërriti në vendin e ngjarjes pak minuta pas aksidentit bëri të ditur se Memë Doku është dërguar në gjendje kritike për jetën në Spitalin Ushtarak Tiranë, ndërsa dy të plagosurit e tjerë po marrin mjekim në spitalin e Krujës dhe sipas të njëjtave burimeve janë jashtë rrezikut për jetën.
r.n/NOA
