Spanja Përgënjeshtron Planin E Ndihmës Ekonomike Evropiane Drejt Saj
MADRID, 14 qershor /ATSH-AFP/ - Qeveria spanjolle përgënjeshtroi sot thashethemet për përgatitjen e një plani ndihmë financiare evropiane për Spanjën, pas disa artikujve të botuara në shtypin gjerman lidhur me çështjen.
"Përgënjeshtrojmë këtë informacion, po ashtu siç kanë bërë qeveria gjermane dhe Komisioni Evropian", deklaroi për AFP një zëdhënës i Ministrisë spanjolle të Ekonomisë.
Sekretari spanjoll i Shtetit për Ekonominë dhe Buxhetin, Carlos Ocaña, deklaroi gjatë një konference për shtyp se ''Spanja aktualisht nuk po negocion me asnjë institucion evropian për financime shtesë".
Qeveria spanjolle "po punon për të vërtetuar se këto hamendësime janë të pabaza, siç është në këtë rast", theksoi ai./
/i.p/
