Afrikë e Jugut, 15 Qershor NOA - Ka përfunduar me rezultatin 1 me 1, ndeshja midis Zelandës së Re dhe Sllovakisë, të cilat së bashku me Italinë dhe Paraguain, janë pjesë e Grupit F.
Pas një pjese të parë, e cila nuk dhuroi emocione të shumta, madje ishin gabimet më prezent në fushën e lojës, skuadra e Sllovakisë e drejtuar nga Marek Hamsik, kaloi në avantazh në minutën e 5-të të pjesës së dytë falë një goditjeje me kokë të Robert Vittek.
Zelanda e re, mjaft mirë e vendosur në fushë dhe tepër kompakte, u shpërblye me një gol në minutën e 90 të takimit, ku futbollistët neozelandezë i surprizuan të gjithë me këtë barazim të realizuar nga Winston Reid.
r.b/NOA