Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Idrizi-Sejdiu: Prioriteti i Shqipërisë dhe Kosovës, komonuellthi ekonomik shqiptar
English

Idrizi-Sejdiu: Prioriteti i Shqipërisë dhe Kosovës, komonuellthi ekonomik shqiptar

Prishtinë, 16 Qershor, NOA – Nevoja për krijimin e një komonuellthi ekonomik shqiptar, përbën një nga prioritetet e partisë Drejtësi dhe Unitet (PDU).

Një fakt të tillë, kreu i kësaj force politike, Shpëtim Idrizi ia ka bërë me dije gjatë një takimi të veçantë presidentit të Kosovës, Fatmir Sejdiu, duke diskutuar mbi sfidat e Shqipërisë dhe të Kosovës dhe të shqiptarëve në përgjithësi.

“Duke qenë ekonomist në profesion, jam i bindur se një treg i përbashkët dhe i konsoliduar është në të mirën e mbarë rajonit dhe jo vetëm të shqiptarëve”, tha Idrizi, duke shtuar se në projektet e mëdha që dy vendet tona kanë, duhet të merren parasysh nevojat e përbashkëta dhe duhet të bëjmë kompatibël ekonomitë tona.

Kjo pikë programore e PDU-së, u cilësua si një nevojë e kohës nga presidenti i Kosovës, i cili theksoi se zgjerimi i tregjeve ekzistuese është në të mirën e të gjithëve.

Më tej, kreu i PDU-së, Idrizi i bëri me dije Presidentit Sejdiu pikat kryesore ku bazohet programi dhe ekzistenca e PDU-së.

“Çështja çame është në bazën e programit tonë. Ne, si deputetët e parë çamë në Kuvendin e Shqipërisë e kemi parë si përgjegjësi morale themelimin e kësaj partie. Por, PDU nuk është një parti që është e përqendruar vetëm në çështjen çame, por punon dhe vepron për të mirat e të gjithë shqiptarëve”, tha Idrizi, duke e informuar presidentin Sejdiu edhe për nismën ligjore të ndërmarrë nga PDU për zgjidhjen e çështjes çame në Gjykatën e Strasburgut.

Unifikimi i gjuhës shqipe ishte një tjetër pikë ku ndaluan bashkëfolësit, duke theksuar nevojën për të ndihmuar emigrantët shqiptarë pavarësisht vendit ku jetojnë e nga e kanë origjinën që të mund të ruajnë dhe të zhvillojnë gjuhën e tyre amtare.

Në çështjen e emigrantëve, Idrizi theksoi se qëllimi I PDU-së është krijimi i Komitetit të Diasporës, si edhe e një strategjie konkrete për ta.

n.e/NOA

KOMENTE