Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Dashi: Urdhri për operacionet plotëson kartelën e pacientit
English

Dashi: Urdhri për operacionet plotëson kartelën e pacientit

Tiranë, 17 qershor, NOA - Pas daljes sot të urdhrit të Ministrisë së Shëndetësisë që asnjë pacient të mos operohet në spitalet publike pa konsensusin e tij, ka reaguar edhe drejtori i QSUT-së, Ilir Dashi, i cili pohoi se me këtë procedurë plotësohet kartela e pacientit.

Sipas Dashit, kjo praktikë është zbatuar në QSUT, edhe para daljes së urdhrit nga MSH, por vetëm për rastet e rënda.

Me ketë urdhër, theksoi drejtori i QSUT-së, parashikohet që edhe akuzat për mjekët dhe pacientët të marrin fund.

“Mendoj se është një urdhër shumë pozitiv dhe i efektshëm për të rregulluar këto marrëdhënie pacient-mjek, për më tepër që krijon një konsensus shumë të mirë lidhur me ekzaminimet invazive dhe ndërhyrjet kirurgjikale, ku nëpërmjet një deklarate të veçantë, ndryshe nga deri më tani, pacienti ose familjari bie dakord për tre gjëra kryesore: procedurën që do të ndodhë, trajtimin alternativ që ka lidhje me këtë dhe rreziqet apo komplikacionet që mund të shoqërojnë procedurën”, nënvizoi Dashi.

Sipas drejtorit Dashi, deri tani, kjo procedurë ka qenë jo e plotë, e shënuar diku në kartelë, por gjithsesi e pamjaftueshme, ndaj tashmë, gjithë sipas Dashit, me këtë deklaratë-konsensus që merret nga pacienti apo familjari, rregullohen të dyja marrëdhëniet.

“I rëndësishëm është fakti se, mjeku mbrohet në mënyrën më pozitive nga çdo lloj ankese e mëvonshme ose komplikimi shëndetësor, por edhe pacienti është i ndërgjegjshëm dhe shumë më i informuar për çfarë do të trajtohet dhe çfarë do të ndodhë me të”, deklaroi drejtori i QSUT-së, Ilir Dashi.

Me mbërritjen e urdhërit po sot në drejtorinë e QSUT-së, nga e premtja do të nisë shpërndarja e tij në të gjitha pavionet ku kryen ndërhyrje kirurgjikale.

mit/NOA
KOMENTE