Korçë: Arrestohet Një Kultivues I Bimëve Narkotike
KORÇË, 17 qershor /ATSH-Behar Fejzulla/ - Policia e Korçës ka arrestuar një kultivues të bimëve narkotike.
Zëdhënësja e Drejtorisë së Policisë të Korçës, Eftjola Kacorri, bëri të ditur, se policia arrestoi sot shtetasin Baki Xhelollari, 55 vjeç, lindur dhe banues në fshatin Marjan të komunës Gorë, i dënuar më parë për veprën penale të vrasjes të mbetur në tentativë.
Arrestimi i tij u bë, pasi ky person, kishte mbjellë në tokat e tij rreth 100 bimë narkotike të llojit canabis-sativa, të cilat u prenë dhe u sekuestruan nga policia në cilësinë e provës materiale.
Gjatë këtij viti ky është rasti i parë që policia e Korçës zbulon një kultivues të bimëve narkotike./ch/
