Utah, 18 qershor, NOA - Amerikani Roni Li Gardner, i cili ishte dënuar me vdekje për dy vrasje, është ekzekutuar sot me pushkatim në shtetin federal Utah.
Gardner, 49 vjeç, është i dënuari i tretë me vdekje që është ekzekutuar në këtë mënyrë, përpara se të hiqet praktika e tillë në këtë shtet.
Gardner e kishte zgjedhur vetë mënyrën e ekzekutimit. Mundësia e fundit e tij që të shmangë dënimin me vdekje ishte ankesa, e cila u refuzua nga Gjykata Supreme.
Guvernatori i shtetit Utah, Geri Herbert, gjithashtu dje e refuzoi kërkesën për shtyrje të përkohshme të ekzekutimit.
Katër pushkë ishin mbushur me municion të vërtetë, ndërsa njëra me plumb "qorr", në mënyrë që te çdo pjesëtar i njësitit të mbeten dyshimet se ai mund të mos ketë pasur plumbin e vërtetë.
Si ë shumë shtete amerikane ku lejohet dënimin me vdekje, edhe shteti Utah tash e shfrytëzon injektimin vdekjeprurës si mënyrë të ekzekutimit.
Njësiti i pushkatimit ekziston si alternativë vetëm në Oklahoma.
Gardner ishte dënuar me vdekje pas vrasjes së avokatit të tij Majkëll Burdel, të cilin e qëlloi për vdekje teksa përpiqej të ikë nga gjykata, ku gjykohej për vrasjen e banakierit, Melvin Oterstrom.
m.xh/NOA/RFE
