Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Yjet e Brazilit imponohen, në 16-e, pasi mundën 3 -1 Bregun e Fildishtë
English

Yjet e Brazilit imponohen, në 16-e, pasi mundën 3 -1 Bregun e Fildishtë

Johanesburg, 20 qershor, NOA – Pesëherë kampionët botërorë të Brazilit kanë siguruar kalimin në 16-e, të botërorit, pas fitores së dytë në grup.

Formacioni i Dungës ka mundur 3 – 1 Bregun e Fildishtë, në një ndeshje që u dominua në pjesën më të madhe nga brazilianët.

Luis Fabiano shënoi golin e parë të takimit në minutën e 25-të të pjesës së parë.

Ishte pikërisht Luis Fabiano që rigjeti për herë të dytë rrugën përdrejt rrjetës në minutën e 51-të të takimit.

Futbollisti brazilian para se të finalizonte goditjen drejt portës kundërshtare, e ka prekur dy herë topin me dorë, një veprim që nuk u vu re nga gjyqtari i takimit.

Pas një pasimi të dhënë nga Kaka’, golin e tretë për yjet e selesaos, e shënoi Elano, në minutën e 62-të.

Bregu i Fildishtë arriti ta ngushtojë diferencën vetëm në minutën e 78 –të, pas një gjuajtjeje me kokë të sulmuesit të Celsit, Didier Drogba.

Kur s’mbeteshin thuajse minutat e fundit të ndeshjes, Kaka’ u dënua me karton të kuq nga gjyqtari i takimit, pasi kish marrë më parë, një të verdhë.

Pas fitores me Korenë e Veriut dhe kësaj me Bregun e Fildishtë, Selesao është tashmë skuadra e tretë që siguron kalimin e fazës në grupe përdrejt ndeshjeve në 16-e, pas Argjentinës dhe Holandës.

mit/NOA
KOMENTE