Tiranë, 23 qershor, NOA - Kryeministri Sali Berisha priti sot në një takim të veçantë presidentin e shoqërisë “Podiumtech”, François-Pierre Le Scouarnec.
Kjo kompani ofron shërbime konsulence, teknologjie, si edhe menaxhim dhe financim projektesh, ndërsa është e pranishme në Europë, Amerikën Veriore dhe atë Jugore, si edhe në Afrikë.
Gjatë takimit me kryeministrin, presidenti i kësaj kompanie shprehu interesin për të investuar në vendin tonë, në fushën e energjisë, furnizimit me ujë, si edhe në agrikulturë.
Nga ana e tij, kryeministri Berisha mirëpriti interesin e tyre në këto fusha të rëndësishme dhe i sigurojë se qeveria do të mbështesë brenda kuadrit ligjor përpjekjet e tyre për të pasur një histori suksesi.
n.e/NOA
