Axhenda Ndërkombëtare 25 Qershor 2010
-----------------------------------------------------------------------
NGJARJE KRYESORE
-------------------------------
DURBAN/NELSPRUIT/PRETORIA/BLOEMFONTAIN - Ndeshjet e fundit të kualifikimit për finalen e tetë me Spanjën që luan përballë Kilit dhe Brazili përballë Portugalisë.
Grupi G - Portugali-Brasil, Core e Veriut - Bregu i Fildishtë. Grupi H - Kili - Spanjë, Zvicër-Honduras (18H30).
HUNTSVILLE (Kanada) - Tetë vendet më të industrializuara në botë do të mblidhen në Toronto në kuadër të tensioneve mes SHBA-së dhe Evropës për strategjinë e rimëkëmbjes ekonomike botërore.
TË TJERA
---------------
ATHINË- Vazhdojnë hetimet pas atentatit dje në mbrëmje në zyrën e ministrit të Brendshëm ku si pasojë humbi jetën shefi i sigurisë i ministrit.
LONDËR/NJU ORLINS (SHBA) - Kompania britanike e naftës ''British Petroleum'' njoftoi sot se shpenzimet e lidhura me ndotjen e Gjirit të Meksikës nga derdhja e naftës kanë arritur në 2,35 miliardë dollarë, thënë ndryshe rreth 1,9 miliardë euro.
LOS ANXHELES - Fansat dhe familja e Michael Jackson do të kujtojnë sot njëvjetorin e vdekjes së mbretit të popit duke u mbledhur në mbarë botën, ndërkohë që mijëra persona pritet të marrin pjesë në varrezat ku prehet ylli i popit, në Los Anxheles.
KABUL/UASHINGTON - Ndjekje e situatës pas emërimit në krye të forcave në Afganistan të gjeneralit, David Petraeus.
SEUL - Presidenti koreanojugor, Lee Myung-Bak i kërkoi sot Koresë së Veriut të ndërpresë provokimet ushtarake ndërkohë që dy vendet kujtonë 60-vjetorin e shpërthimit të luftës mes dy Koreve.
NJU JORK - Baroni xhamajkan i dyshuar i drogës, Christopher "Dudus" Coke, origjina e përleshjeve të dhunshme të muajve të fundit në ishullin e Karaibeve mbërriti dje në mbrëmje në Nju Jork pas ekstradimit të tij, njoftuan autoritetet gjyqësore.
UASHINGTON - Dy dhomat e Kongresit amerikan miratuan një sërë sanksionesh kundër Iranit. /
/ec/ a.jor.
