Pernaska: Tirana, Kryeqyteti Pa Kryetar Bashkie
TIRANA, 25 Qershor/ATSH/ - Deputetja e Partisë Demokratike, Lajla Përnaska, u shpreh sot se kryetari i Bashkisë së Tiranës, ka tre vite që ka braktisur këtë institucion, duke mos u marrë me problemet e qytetarëve.
"Praktikisht qyteti i Tiranes nuk ka Kryetar Bashkie. Në këto tre vite qytetarët e Tiranës e kanë parë z. Rama të merret me gjithçka tjetër por jo me problemet me të cilat ballafaqohen çdo ditë qytetarët e Tiranës. Një foto e çastit e z. Rama pranë një kanali apo eskavatori, siç ka qejf të dalë ai, nuk i gënjen dot qytetarët e Tiranës. Kryetari i Bashkisë e ka bojkotuar tërësisht qytetin", u shpreh ajo.
Në fund të deklaratës, Përnaska nënvizoi se "edhe një komunë e vogël ka nevojë për një kryetar bashkie, aq më shumë shumë Tirana që ka 700 mijë banorë"./gj.m//n.m/
