Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Durrësi Dhe Kavaja Do Të Mbikqyren Nga Një Njësi Rajonale E Policisë Rrugore
English

Durrësi Dhe Kavaja Do Të Mbikqyren Nga Një Njësi Rajonale E Policisë Rrugore

DURRËS, 28 Qershor /ATSH-Gëzim Kabashi/. - Rrugët e Durrësit dhe të Kavajës që nga dita e sotme do të mbikëqyren nga një Njësi e re rajonale e policisë rrugore. Ndryshimet që janë ndërmarrë në strukturë synojnë përmirësimin e shërbimit dhe parandalimin e aksidenteve në akset nacionale rrugore që bashkojnë Durrësin dhe Tiranën me pjesën jugore të vendit. Burime zyrtare nga Drejtoria e Policisë së Qarkut të Durrësit, nga ku do të varet struktura e re, bënë të ditur për ATSH-në se në krye të Njësisë rajonale është emëruar kryekomisar Ervin Hoxha, i cili deri tani kryente funksionin e shefit të Sektorit të Policisë Rrugore në këtë Drejtori. Kjo Njësi përfshin tre nënstruktura: seksionin e Qarkullimit dhe Sigurisë Rrugore; seksionin e Verifikimit, Edukimit e Statistikës si dhe një seksion të veçantë për shërbimet mbështetëse. Deri tani shërbimet e policisë rrugore të rretheve të Durrësit dhe Kavajës vepronin në vartësi të drejtorive përkatëse të policisë për qarkun e Durrësit dhe të Tiranës. Po sot në Drejtorinë e Policisë së Qarkut janë prezantuar shefi i Komisariatit të Policisë së rrethit të Durrësit, kryekomisar Agim Buçpapaj, si dhe shefi i Komisariatit të Policisë së Shijakut, kryekomisar Agron Sulshabani, thanë burimet e mësipërme./s.s./
KOMENTE