Serbi - Drejtësia Akuzon Katër Serbë Për Krime Lufte Në Kroaci
BEOGRAD, 28 qershor /ATSH-AFP/ - Drejtësia serbe akuzoi katër serbë, ish-anëtarë të forcave serbe të Kroacisë për kryerjen e krimeve të luftës kundër popullsisë civile në Kroaci në vitin 1991, njoftojnë sot burime në Beograd.
Ceda Budisavljevic, Mirko Malinovic, Milan Bogunovic dhe Bogdan Grujicic u akuzuan nga Zyra e Prokurorit serb për krimet e luftës për vrasjen e pesë anëtarëve të një familjeje kroate, njoftoi prokuroria për krimet e luftës në një komunikatë.
Katër të akuzuarit, të cilët mbaheshin në burg në Serbi, ishin në atë kohë anëtarë të policisë së forcave serbo-kroate kundër pavarësisë së Kroacisë, thuhet më tej në komunikatë.
Shpallja e pavarësisë së Kroacisë në vitin 1991 u pasua nga një luftë mes forcave të Zagrebit dhe atyre serbe propavarësisë të mbështetur nga ushtria federale jugosllave. Në vitin 1995, forcat kroate rimorën kontrollin e territoreve të mbështetura nga përkrahësit e pavarësisë.
Konflikti shkaktoi rreth 20 000 të vdekur.
/I.Pu.
