Ps: Nuk Ka Reformë Zgjedhore Pa Transparencë
TIRANË, 29 Qershor/ATSH/.- Partia Socialiste reagoi sot pas deklaratave të zëvendëskryeministrit dhe ministrit të Jashtëm, Ilir Meta, njëkohësisht kryetar i Lëvizjes Socialiste për Integrim, i cili u shpreh për fillimin e reformës zgjedhore.
Zëdhënësja e PS-së, Armela Imeraj, me anë të një deklarate për shtyp u shpreh se "Ilir Meta dhe Sali Berisha ta harrojnë se mund të ketë komisione dhe reformë zgjedhore pa u bërë transparenca e zgjedhjeve të kaluara".
"Ata që shkelën kodin dhe ligjin e që tani po shkelin Kushtetutën, duke mohuar transparencën, duhet ta kenë të qartë se çdo gjë fillon me kryerjen e transparencës dhe zbardhjen e të vërtetës së 28 qershorit të shkuar", tha zëdhënësja e PS-së. /a.s//a.ke/
