Durrës: Arrestohen Tre Shpërndarës Droge, Seuestrohen 202 Gr Heorinë
DURRES, 30 qershor/ ATSH-Gëzim Kabashi/- Forcat e policisë së Durrësit arrestuar natën e kaluar tre të rinj, të cilët dyshohet se kanë ushtruar veprimtarinë e shpërndarësve të lëndëve narkotike në lagjet periferike të Durrësit dhe në zonën e plazhit.
Burime zyrtare nga drejtoria e Policisë së qarkut, bënë të ditur për ATSH-në se "gjatë operacionit të koduar me emri Trekëndëshi kanë përfunduar në pranga Saimir Jusufi, 25 vjec, lindur dhe banues në Durrës; Agustin Ndoj, 24 vjec, lindur dhe banues në Durrës dhe Enea Tabaku, 25 vjec, lindur në Gramsh dhe banues në fshatin Shkallnuer, të cilët u gjetën duke tregtuar lëndë narkotike poshtë mbikalimit të Urës së Dajlanit, në hyrje të plazhit të Durrësit".
Në cilësinë e provës materiale, tre bashkëmoshatarëve iu gjetën dhe sekuestruan 202 gram lëndë, e dyshuar si heroinë si dhe tre telefonat personalë celularë.
Burimet saktësuan se krahas zonës së plazhit tre të rinjtë ushtronin aktivitetin e shpërndarjes së lëndëve narkotike edhe në territorin midis lagjeve 15, 4 dhe fshatit Shkallnur, 9 km në jug të Durrësit./n.m/
