Tiranë, 1 korrik, NOA – “Eshtë e rëndësishme që të gjithë palët e debatit politik në Shqipëri të tregojnë aftësitë e tyre për të punuar së bashku, me qëllim ndërtimin e një vendi evropian modern, të qëndrueshëm dhe të suksesshëm”.
Ky ka qenë mesazhi që Sekretari i Jashtëm të Mbretërisë së Bashkuar, Uilliam Hague, drejtuar zv/kryeministrit dhe ministrit të Punëve të Jashtme, Ilir Meta, në një letër falënderimi në përgjigje të mesazhit të urimit me rastin e marrjes së detyrës së re.
“Sikurse diskutuam në Sarajevë, Mbretëria e Bashkuar i kushton rëndësi të madhe marrëdhënieve me Shqipërinë, dhe mbetet tërësisht e përkushtuar për anëtarësimin e saj në Bashkimin Evropian”, shkruan Hague.
Duke shtuar se tashmë, është realizuar progres shumë i madh dhe “shpresoj që të vazhdohet me reformat e nevojshme, me të njëjtën energji dhe angazhim”.
Prandaj sipas tij, ka shumë rëndësi që palët të ulen dhe të bashkëpunojnë me qëllim vazhdimësinë e kryerjes së tyre.
n.e/NOA
