Sarandë: Qendra "Marcelina", Kamping Falas Për 240 Fëmijë
SARANDË, 3 korrik /ATSH-Telnis Skuqi/ - Rreth 240 fëmijë nga qyteti i Sarandës dhe fshati Berdenesh janë organizuar falas nga Qendra Sociale "Marcelina" në kampingun veror 2010.
Sipas burimeve pranë kësaj qendre, fëmijët që do të kalojnë pushimet verore në kamping janë të moshave nga 5 deri në 13 vjeç. Të ndarë në tre grupe, fëmijët do të argëtohen e mësojnë duke luajtur në kamping.
Motër Daniela Silvestrini tha për ATSH-në, se pushimet do të kenë një organizim tematik, "Ne në histori", ku edukatorët e ardhur nga Italia, krahas edukimit në orën e lirë, do t'i njohin fëmijët me periudhat historike që nisin që nga prehistoria për të mbërritur deri në ditët e sotme./ch/
