Libra Të Rinj Në Libraritë E Tiranës
TIRANË, 4 Korrik /ATSH- Suada Daci/.- Stendat e librarive të kryeqytetit janë pasuruar këtë javë me një numër librash të rinj nga autorë shqiptarë dhe të huaj.
Disa prej tyre janë:
"Gjeopolitika e emocioneve" nga Dominik Moisi. Me anë të këtij libri, Moisi demonstron në mënyrë të shkëlqyer se bota sot ka shumë mundësi të rindërtohet nga "përplasja e emocioneve". Ky libër është botuar nga shtëpia botiese "AIIS" dhe kushton 1200 lekë.
"Trashëgimtarët, PS midis transformimeve dhe vazhdimësisë", është një libër nga Luljeta Progni. Parathënia e tij cilët është shkruar nga Prof. Dr Artan Fuga.Libri i kushtohet transformimeve të rëndësishme të cilat sollën ngjizjen e PS-së në fillim të viteve '90 dhe ndryshimin e saj gradual. Është botuar nga UET dhe kushton 700 lekë.
"Makina e Dashurisë", është romani i autores Jacqueline Susann. Ky bestseller rrëfen historinë e Robin Stounit, një person shumë karizmatik që bëhet president i një rrjeti të fuqishëm Televiziv, rreth të cilit vëmendja e femrave nuk mungon asnjëherë. Vjen si botim i shtëpise botuese "OMSCA-1" dhe kushton 1200 lekë.
"Tejqyra e qelibartë" është një roman për fëmijë i autorit Philip Pullman. Lira dhe Uilli janë 2 personazhet kryesor të librit që gjenden në mision të jashtëzakonshëm dhe që janë në një rrezik që nuk përshkruhet. Libri është botim i
shtëpisë Botuese "Dudaj" dhe kushton 800 lekë. /a.ke/
