Prishtinë, 5 Korrik, NOA – Gjendja e sigurisë në Kosovë është vlerësuar pozitive nga komandanti suprem i Forcave të Përbashkëta për Evropën të NATO-s, admirali Xhejms Stavridis.
Gjatë një takimi që ai ka zhvilluar në Kosovë me kryeministrin e Kosovës, Hashim Thaçi ai e ka vlerësuar përgjithësisht stabile gjendjen e sigurisë në Kosovë.
Në këtë takim. Bëhet me dije se temë bosht e takimit ishte gjendja aktuale politike dhe e sigurisë në Kosovë, progresi i arritur në Kosovë dhe thellimi i bashkëpunimit me NATO-n.
Nga ana e tij, kryeministri kosovar Hashim Thaçi në takim shprehu mirënjohjen e lartë për kontributin substancial që ka dhënë Aleanca Veri-atlantike në ngritjen dhe fuqizimin e Forcës së Sigurisë të Kosovës, një forcë që është duke u zhvilluar gjithnjë e më shumë sipas standardeve më të larta të NATO-s.
“Reduktimi i trupave të KFOR-it në Kosovë dëshmon se gjendja e sigurisë çdo ditë e më tepër është stabël dhe se institucionet e Kosovës janë të gatshme të marrin përgjegjësitë që iu takojnë për sigurinë e vendit”, u shpreh kryeministri Thaçi.
Ndërsa, komandanti suprem i Forcave të Përbashkëta për Evropën të NATO-s, admirali Xhejms Stavridis theksoi përkushtimin e NATO-s për sigurinë dhe stabilitetin e Kosovës dhe të gjithë rajonit.
n.e/NOA
