Lsi Miraton Dy Kandidaturat Për Kreun E Tiranës
- Edmond Panariti dhe Shezai Rrokaj zgjidhen gjatë mbledhjes së kryesisë së LSI-së -
TIRANË, 6 Korrik/ ATSH/-Lëvizja Socialiste për Integrim miratoi sot dy kandidaturat për kryetarin e LSI-së Tiranës.
Sipas burimeve nga LSI, gjatë mbledhjes së kryesisë së kësaj partie u vendos që dy kandidatët për kreun e Tiranës, të jenë Edmond Panariti dhe Shezai Rrokaj.
Kryesia miratoi gjithashtu dhe katër sekretarë rajonalë, Nora Malaj në Shkodër, Leonard Beqiri në Korçë, Besjan Pesha në Gjirokastër dhe Edmond Hoxha në Dibër./s.d/k.sh/
