Dy Tërmete Godasin Bregun Lindor Të Tajvanit
TAJPEI, 9 korrik /ATSH-AFP/ - Dy tërmete të njëpasnjëshëm goditën sot në një interval kohor të shkurtër bregun lindor të Tajvanit, njoftoi Instituti Gjeofizik amerikan (USGS).
''Një tërmet me magnitudë 5,3 ballë të shkallës Rihter u regjistrua rreth orës 00:41 GMT në det rreth 115 kilometra në juglindje të Taipeit në një thellësi prej 130 kilometrash '', theksoi USGS-ja.
Lëkundjet u ndjenë në Tajpei, në veri të ishullit, por nuk ka informacione për viktima apo dëme materiale.
Ky tërmet u pasua disa orë më vonë nga një tjetër tërmet me magnitudë 5,2 të shkallës Rihter dhe u lokalizua rreth 90 kilometra nga kryeqyteti tajvanez në një thellësi 21 kilometra, sipas USGS-së./
/ec/ a.jor.
