Vlore: Vetehelmohet Me Fostoksine 26-Vjecari Nga Berati
VLORE, 10 korrik/ATSH-H.Koçi/.- Një 26 vjeçar nga Berati i ka dhënë fund jetës duke u vetëhelmur në qytetin e Vlorës.
"Pandeli Lakra është paraqitur mbrëmjen e të premtes në spital me probleme shëndetësore, ku u ka deklaruar mjekëve se kishte konsumuar fostoksinë", bënë të ditur për ATSH-në burime të policisë lokale. Sipas tyre, ndaj tij ka nisur menjëherë terapia mjekësore, por gjendja e tij shëndetësore është rënduar në vazhdimësi. Pak orë pas mbërritjes në spital, 26 vjeçari ka ndërruar jetë, ndërkohë që policia ka nisur hetimet për zbardhjen e rrethanave në të cilat ka ndodhur ngjarja.
Ndërkohë, për ngjarjen janë njoftuar policia e Beratit dhe familjarë të 26 vjeçarit. /a.ke/
