Shkup, 14 Korrik, NOA - Sekretariati për çështje evropiane lidhur me shkrimet për euro-skepticizëm tek qytetarët e Maqedonisë sërish e informoi opinionin për rezultatet nga hulumtimi i zbatuar të mendimit publik lidhur me procesin e euro-integrimeve.
"Theksojmë se edhe në anketën e SÇE-së mbështetja për hyrjen e Republikës së Maqedonisë është në nivel jashtëzakonisht të lartë, gjegjësisht 75 për qind e qytetarëve të anketuar janë prononcuar në këtë drejtim", thuhet në informatën e SÇE-së në të cilën edhe një herë janë prezantuar rezultatet nga hulumtimi të publikuara gjatë disa ditëve.
Edhe ambasadori i BE-së në Shkup, Ervan Fuere theksoi se në Maqedoni nuk ka skepticizëm sa i përket integrimit të vendit në Bashkimin Evropian.
“Nuk mendoj se mbizotëron dyshimi. Gjithkund ndjehet mbështetja e madhe për në BE dhe dëshira për të qenë pjesë e kësaj familje. Nëse ka skepticizëm, atëherë ai prezantohet nga një pakicë e parëndësishme”, theksoi Fuere.
Ai ka theksuar se qeveria duhet të bëjë më shumë përpjekje për të realizuar aspiratat e qytetarëve.
“Prandaj javën e kaluar dërgova një thirrje për dialog të fuqishëm politik dhe më të hapur, me qëllim që vendi të ofrohet në frymën e konsensusit”, ka theksuar ambasadori i BE në Shkup, Fuere.
Lidhur me shpalljen e rezultateve të fundit të sekretariatit për çështje evropiane, sipas së cilëve 82 për qind e qytetarëve ruajtjen e emrit e konsiderojnë më të rëndësishëm se BE-në dhe NATO-n, ambasadori Fuere ka theksuar se ato nuk i përgjigjen hulumtimeve të kaluara, ku qytetarët kanë shprehur mbështetje të madhe për në BE.
NOA-INA
