Shkencëtari Iranian Shahram Amiri Largohet Nga Shba Drejt Iranit
TEHERAN, 14 korrik /ATSH-ANSA/ - Është larguar nga Shtetet e Bashkuara drejt Iranit shkencëtari iranian Shahram Amiri i cili ishte strehuar në ambasadën pakistaneze në Uashington.
"Falë përpjekjeve të Republikës islamike dhe bashkëpunimit të ambasadës së Pakistanit në Uashington, Shahram Amiri ka disa minuta që është larguar nga territori amerikan duke udhëtuar drejt Iranit me anë të një vendi të tretë", deklaroi zëdhënësi i Ministrisë së Jashtme iraniane, Ramin Mehmanparast.
Irani i akuzoi Shtetet e Bashkuara se nuk po lejonin që Amiri të largohej nga vendi, ndërsa autoritetet amerikane i kundërshtuan akuzat duke argumentuar se shkencëtari ishte i lirë të largohej kurdo.
/e.v/
