Elbasan: Kronika - Shkurt, Atsh, 15 Korrik
Elbasan: Vetehelmohet 30-vjeçarja, vdes ne spital
Një 30- vjeçare gjeti vdekjen ditën e sotme, pasi kishte pirë një sasi helmi të llojit fostoksinë. Burime të Policisë lokale bëjnë të ditur se "30- vjeçarja Hreta Bërdufi, banuese në Elbasan, u shtrua në gjendje të rëndë në spitalin kirurgjik të Elbasanit, pasi kishte pirë dy kokrra fostoksinë. Edhe pse ndihma e mjekëve ka qenë e menjëherëshme, ajo nuk ka mundur të mbijetojë". Grupi hetimor ka konstatuar se shkak i vetëhelmimit të 30- vjeçares ka qenë gjendja e rëndë ekonomike./m.sadiku/
Librazhd: Vdes 24-vjeçari si pasoje e kontaktit elektrik
Një 24- vjeçar ka gjetur vdekjen e menjëhershme si pasojë e kontaktit elektrik. Zëdhënësja e Policisë, Valbona Begu, tha se "24-vjeçari Luan Bajrami, me banim në fshatin Dragostunjë të komunës Qendër në Librazhd, ka gjetur vdekjen nga tensioni elektrik".
Sipas saj, "24 vjeçari duke mos pasur energji elektrike në banesën e tij, ka shkuar në një shtyllë tensioni për të rregulluar këtë difekt, ku edhe ka gjetur vdekjen e menjëhershme". /M.Sadiku//a.ke/
