Teheran, 15 Korrik, NOA – Ka mbërritur më në fund në Iran, pas odisesë 1-vjeçare të zhdukjes së tij, fizikanti bërthamor iranian, për të cilin u tha se ishte rrëmbyer nga shërbimi i fshehtë amerikan, CIA.
Shahram Amiri u kthye në atdheun e tij, duke u pritur në aeroport nga bashkëshortja dhe zëvendësministri i Jashtëm iranian.
Ndërsa televizioni shtetëror iranian njoftoi se Amiri kishte shpëtuar duke hyrë në përfaqësinë e Iranit në Uashington, e vendosur në ambasadën pakistaneze.
Fizikanti u zhduk para më shumë se një viti në Arabinë Saudite dhe për këtë, qeveria iraniane akuzoi Shtetet e Bashkuara të Amerikës, por qeveria amerikane i ka përgënjeshtruar disa herë akuzat për rrëmbimin e tij.
Shkencëtari bërthamor i Iranit, Shahram Amiri, ishte zhdukur në qershor të vitit 2009 në Arabinë Saudite, ndrësa të hënën u drejtua te ambasada e Pakistanit që përfaqëson interesat e Iranit në Uashington dhe kërkoi të kthehet në vend.
n.e/NOA
