Romë, 17 korrik, NOA – Një tabllo e re e Karavaxhos mësohet të jetë zbuluar së fundmi, pikërisht në kremtimet për katërqind vjetorin e vdekjes së artistit të madh italian.
Këtë fakt e ka zbuluar pikërisht revista studimore Observatori Roman, e cila ka publikuar në faqe të parë, një tabllo të Karavaxhos.
Revista njofton se ka nisur studimet tashmë mbi një tabllo të Shenjtorit Shën Lorenc, e gjetur në Romë, në pronat e mikeshës së Jezusit, Maria Magdalenës.
Michelangelo Merisi nga Karavaxho ishte një nga artistët e mëdhenj të Rilindjes Italiane, i cili e shfaqi aktivitetin e artistik në qytetet e Romës, Napolit apo edhe në Maltë.
Ai ishte një nga nxënësit e Ticianit, dhe pikturoi më së shumti ndërtesat e Romës, afresket e kishave, e kudo ku kishin nevojë për penelatat e tij.
Thellësisht emotiv në tabllotë e tij të pikturuara me një realizëm dramatik, Karavaxho bëri që të influencohej nga arti i tij edhe shkolla baroke e pikturës.
Karavaxho i famshëm në të gjallë të tij, kish humbur krejt pas vdekjes derisa në shekullin e 20-të u zbulua se rëndësia e artit të tij qëndron në faktin se me pikturën e Karavaxhos, nisi edhe piktura moderne.
mit/NOA
