Aksidenti/Deputetët E Ps-Së Vizitojnë Familjarët E Viktimave
TIRANE, 18 Korrik./ATSH, A.Gegvataj /- Përfaqësues të PS-së kanë shprehur ngushëllime familjarëve të viktimave të aksidentit tragjik të Fushë Arrëzit, ku humbën jetën 14 persona dhe u plagosën 12 të tjerë.
Zyra e shtypit e PS-së bëri të ditur se deputetët e opozitës Ilir Beqja, Astrit Beci, Ndue Kola, Gjok Jaku, të shoqëruar edhe nga kryetari i bashkisë së Pukës, Rustem Strugaj, vizituan sot familjet e viktimave të aksidentit tragjik të Fushë Arrëzit..
Ata ishin të pranishëm edhe gjatë ceremonisë mortore të familjes Mustafa ne Fushe Arrez.
Kjo familje ka pësuar edhe humbjen më të madhe nga aksidenti tragjik i ditës së djeshme, pasi kanë humbur jetën 3 persona ndërsa vajza e tyre 10 vjeçe ndodhet e shtruar në Spitalin Ushtarak në Kryeqyet. /a.gj/
