Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Grabitja e malazezëve te “Kryqëzimi i Kallmetit”, ndalohen dy të dyshuar
English

Grabitja e malazezëve te “Kryqëzimi i Kallmetit”, ndalohen dy të dyshuar

Lezhë, 18 Korrik, NOA Update – Pak ditë më parë do të grabisnin me dhunë, duke mbajtur maska në fytyrë ndaj tre malazezëve në vendin e quajtur “Kryqëzimi i Kallmetit” në superstradën Lezhë-Shkodër, por paraditen e sotme ata kanë mundur të vihen në pranga nga forcat e policisë të Lezhës.

Lajmi konfirmohet prej tyre për agjencinë e Lajmeve NOA, duke saktësuar se të ndaluarit janë Vladimir Nikolli, 20-vjeç, lindur në Mirditë e banues në fshatin Barbullojë të Lezhës dhe Flori Nikolli, 25-vjeç, banues në qytetin e Lezhës.

Ndërkaq, është shpallur në kërkim personi i tretë, që bashkëpunoi me ta në grabitjen e turistëve malazezë në aksin rrugor të lartpërmendur, i cili siç raportohet nga burimet policore, mësohet se është 23-vjeçari Ardit Skandaj.

Nga ana tjetër, mësohet se është gjetur dhe sekuestruar me cilësinë e provës materiale, edhe motori i markës “Honda”, me të cilin autorët kanë kryer grabitjen dhe që i përkiste të ndaluarit të dytë, Flori Nikolli.

E duke shpjeguar kapjen e tyre, policia shpjegon se ata janë konstatuar teksa po lëviznin me automjetin me targe TR 7870 R dhe u është bërë thirrje për të ndaluar.

Por këta të fundit kanë kundërshtuar punonjësit e policisë, fillimisht duke u përplasur me mjetin e tyre në postobllokun e ngritur për kapjen e tyre, ku mbeti i dëmtuar lehtë një nga efektivat e policisë rrugore.

Ndërsa më pas, kanë qëlluar me armë zjarri ndaj forcave të policisë, ku këta të fundit i janë përgjigjur zjarrit, dhe për pasojë, ka mbetur i vdekur personi me inicialet A.S, 16 vjeç, i cili ndodhej në makinë me dy autorët e lartpërmendur.

n.e/NOA

KOMENTE