Madrid, 18 Korrik 2010 NOA/ Rid Bulku - Kopshti zoologjik i Madridit kërkon ta sjellë në Spanjë oktapodin Paul dhe më pas ta shndërrojë atë në një objekt tërheqjeje të vëmendjes për turistët e pafund.
Gjatë zhvillimit të Botërorit 2010, Paul parashikoi në mënyrë të saktë 7 ndeshjet e Gjermanisë dhe më pas shfaqi aftësitë e tij dhe në finalen e fituar pikërisht nga spanjollët, ku kjo përfaqësuese për herë të parë u shpall kampione e botës.
Përgjegjësi i kopshtit zoologjik në Madrid, Javier Diaz, ka bërë të ditur se është në tratativa me Oberhausen për një shkëmbim të kafshëve ku kundrejt oktapodit dy vjeç e gjysmë, të jepet një peshkaqen ose kundrejt një pagese në të holla.
Megjithatë, me sa është bërë e ditur nga zëdhënësi i kopshtit zoologjik të Tunja Munzing, kjo ofertë është refuzuar dhe është pohuar se ata janë mjaft të lumtur për qëndrimin e Paul dhe çdo ofertë tjetër e këtij lloji do të refuzohet në të njëjtën mënyrë.
r.b/NOA
