Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Ekon - Hungari - Parlamenti Voton Masat Ekonomike, Taksë Edhe Për Bankat
English

Ekon - Hungari - Parlamenti Voton Masat Ekonomike, Taksë Edhe Për Bankat

BUDAPEST, 22 korrik /ATSH-ANSA/ - Parlamenti hungarez votoi sot, në seancën e fundit para pushimeve verore, paketën me masa ekonomike të qeverisë konservatore të kryeministrit Viktor Orban, e cila mban edhe një taksë të kripur për bankat. Ndërkohë Orban njoftoi për fundin e marrëveshjes me Fondin Monetar Ndërkombëtar që u arrit në tetor të vitit 2008 për një kredi 20 miliardë euro. Kjo marrëveshje nuk u rinovua dhe do të skadojë në tetor. Hungaria është vendi i parë i Bashkimit Evropian që vendos një taks për bankat. Kjo masë e përkohshme parashikon për bankat tregtare dhe institutet financiare pagesën e rreth 715 milionë euro gjatë këtij vitit dhe të njëjtën shumë për dy vitet e ardhshëm. FMN-ja, pas bisedimeve që përfunduan pa ndonjë rezultat javën e kaluar, deklaroi se e konsideron si joproduktive këtë masë të Hungarisë. Paketa përmban edhe disa masa të tjera të rëndësishme që u shpallën që në fillim të qershorit, ndër të cilat një tavan për pagat (7500 euro në muaj) e sektorit publik. Orban premtoi se "Hungaria do t'i respektojë angazhimet për ta mbajtur deficitin në 3.8 për qind të PBB-së gjatë vitit 2010. Hungaria e konsideron të mbyllur marrëveshjen me FMN-në dhe nuk mundet ta prek këstin e fundit të kredisë (rreth 5 miliardë euro). /e.v/
KOMENTE