Mpj Shqiptare: Haradinaj Do Të Dijë Të Argumentojë Dhe Mbrojë Pafajesinë E Tij
TIRANË, 22 Korrik/ATSH, A.Gegvataj /- Ish-kryeministri i Kosovës Ramush Haradinaj do ta mbrojë pafajësinë e tij me argumente dhe dinjitet, deklaroi të enjten Ministria e Punëve të Jashtme e Shqipërisë (MPJ), pas vendimit të djeshëm të Dhomës së Apelit të Gjykatës Ndërkombëtare për Krimet e Luftës në ish-Jugosllavi, për rigjykimin e çështjes së tij.
Sipas një deklarate për shtyp të MPJ-së, shefi i diplomacisë shqiptare Ilir Meta shpreh besimin se "populli dhe institucionet e Kosovës, ashtu si dhe më parë, do të tregojnë maturi dhe qetësi, duke i përballuar me dinjitet këto momente të rëndësishme që po kalon Kosova".
Gjykata për krime lufte në ish-Jugosllavi në Hagë vendosi dje shfuqizimin e mëparshëm dhe nisjen e një procesi të ri duke mbajtur në paraburgim Ramush Haradinaj dhe dy ish-bashkëluftëtarë të tij, Lahi Brahimaj dhe Idriz Balaj./ch/
