Warning: file_get_contents(https://www.njoftime.net/service/xml-last-ads/): failed to open stream: Connection refused in /var/www/vhosts/lajme.gen.al/httpdocs/v2/site/controllers/genel.php on line 1153
Britania e Madhe: Me GJND, u mbyll debati për statusin e Kosovës
English

Britania e Madhe: Me GJND, u mbyll debati për statusin e Kosovës

Londër, 23 Korrik, NOA – Me dhënien e vendimit të Gjykatës Ndërkombëtare të Drejtësisë për ligjshmërinë e shpalljes së pavarësisë së Kosovës, u mbyll edhe debati për statusin e Kosovës.

Ky ka qenë reagimi i mbërritur nga Britania e Madhe mbi mendimin këshillë-dhënës të dhënë dje nga Haga, ndërsa e ka përshëndetur atë dhe ka ftuar vendet që nuk kanë njohur Kosovën të bëjnë një gjë të tillë.

““Procedura ligjore para GJND-në ka përfunduar. Kjo do të thotë edhe fund i debatit për statusin e Kosovës. Ajo funksionon si shtet i pavarur dy vjet e gjysmë. Inkurajojmë të gjitha vendet që të njohin pavarësinë e Kosovës. Kosova është rast unik dhe nuk paraqet precedent”, ka deklaruar ministri i Jashtëm britanik, Uilliam Haig.

Sipas tij, Britania e Madhe fuqishëm beson se statusi i Kosovës si shtet me territorin e definuar në kufijtë e tashëm, paraqet forcë pozitive stabiliteti për Ballkanin Perëndimor.

Më tej, Haig ka bërë me dijeni se vendi i tij fton Kosovën dhe Serbinë të shfrytëzojnë rastin që të pajtohen dhe të bëhen fqinjë të mirë.

“Kosova dhe Serbia duhet të përqendrohen në etapat e ardhshme në përparimin drejt anëtarësimit në Bashkimin Evropian”, përfundon deklarata e diplomacisë britanike.

n.e/NOA

KOMENTE